लोणावळा : शिवसेना महिला आघाडी लोणावळा शहर यांच्या वतीने पारंपरिक मंगळागौर कार्यक्रमाचे आयोजन शहरातील कुमार रिसॉर्ट येथे मोठ्या उत्साहात करण्यात आले. या कार्यक्रमाला लोणावळा शहरातील महिला भगिनींनी मोठ्या संख्येने हजेरी लावली.
यावेळी कार्यक्रमास प. शिवसेना लोणावळा शहरप्रमुख संजय भोईर, उपतालुका प्रमुख प्रकाश पाठारे, उपशहर प्रमुख विशाल पाठारे, शहर समन्वयक नंदूभाऊ कडू, युवासेना शहराध्यक्ष विवेक भांगरे, सल्लागार पराग राणे, जेष्ठ नागरिक संघ अध्यक्ष पांडुरंग तिखे, विभाग प्रमुख प्रसाद कन्नन, उपविभाग प्रमुख परेश वावळे आदी शिवसेना पदाधिकारी उपस्थित होते.
या मंगळागौर कार्यक्रमाचे आयोजन महिला आघाडी मावळ तालुका समन्वयक मा. नगरसेविका कल्पना आखाडे, उपतालुका संघटिका मा. नगरसेविका सिंधू परदेशी, महिला आघाडी शहर संघटिका मनिषा भांगरे, उपशहर संघटिका प्रिया पवार, अनिता गायकवाड व दीपाली शिरंबेकर यांनी केले.
कार्यक्रमाचे सूत्रसंचालन नंदाताई तांदळे आणि संतोषीताई तोंडे यांनी केले.
