इंदोरी – गणेशोत्सव व गौरीपूजनाच्या पारंपरिक सणाला नव्या उत्साहाची जोड देण्यासाठी प्रशांतदादा भागवत युवा मंच यांच्या वतीने घरगुती गौरी-गणपती सजावट स्पर्धेचे आयोजन करण्यात आले आहे.
“आमची गौराई… आमचा अभिमान!” या घोषवाक्यासह सुरू झालेल्या या उपक्रमाला प्रचंड प्रतिसाद मिळत असून, गावोगावी सजावट व सर्जनशीलतेला नवी झळाळी लाभत आहे.
आकर्षक बक्षिसांची मेजवानी
या स्पर्धेत विजेत्यांसाठी खास बक्षिसे ठेवण्यात आली आहेत:
प्रथम क्रमांक – फ्रिज
द्वितीय क्रमांक – पिठाची गिरणी
तृतीय क्रमांक – वॉशिंग मशीन
चतुर्थ क्रमांक – फूड प्रोसेसर
पाचवा क्रमांक – स्मार्टफोन
तसेच गॅस शेगडी, कुलर, मिक्सर, टेबल फॅन, इस्त्री यांसारखी प्रोत्साहनपर बक्षिसेदेखील देण्यात येणार आहेत.
स्पर्धेचे नियम व अटी
1. स्पर्धा केवळ इंदोरी–वराळे जिल्हा परिषद गटातील गावांपुरती मर्यादित असेल.
2. स्पर्धेचा कालावधी १ सप्टेंबर ते ५ सप्टेंबर २०२५ असा असेल.
3. सहभागी होण्यासाठी स्पर्धकांनी QR कोड स्कॅन करून किंवा 9090991020 या क्रमांकावर आपले नाव, पत्ता, मोबाईल नंबर आणि सजावटीचे फोटो/व्हिडिओ पाठवणे आवश्यक आहे.
4. फोटो व व्हिडिओ Facebook व Instagram वर अपलोड करून Prashant Bhagwat (prashantbhagwatofficial) या अधिकृत पेजला टॅग करणे बंधनकारक आहे.
5. निकाल ७ सप्टेंबर रोजी सायं. ७ वा. फेसबुक व इंस्टाग्रामवर ऑनलाइन जाहीर केला जाईल.
6. परीक्षकांचा निर्णय अंतिम असेल.
सहभागासाठी पात्र गावे
माळवाडी, तळेगाव (ग्रा.), नवलाख उंब्रे, जाधववाडी, बधलवाडी, मिढेवाडी, सुदवडी, सुदुंबरे, आंबी, वारंगवाडी, गोळेवाडी, राजपुरी, सांगवी, नानोली, वराळे, मोहितेवाडी, साते, बाम्हणवाडी, जांभुळ, इंदोरी, जांबवडे या गावांतील नागरिकांना स्पर्धेत सहभागी होता येईल.
प्रशांतदादा भागवत यांचे आवाहन
राष्ट्रवादी काँग्रेस पार्टी मावळचे उपाध्यक्ष व जिल्हा परिषद निवडणुकीसाठी इच्छुक उमेदवार प्रशांतदादा भागवत म्हणाले –
“गणेशोत्सव हा एकतेचा, श्रद्धेचा आणि सर्जनशीलतेचा सण आहे. या स्पर्धेतून घराघरातील कौशल्य आणि भक्तिभाव उभा राहील. गावोगावी प्रत्येक नागरिकाने सहभागी होऊन या उपक्रमाला यशस्वी करावे, हीच अपेक्षा आहे.”
