इंदोरी-वराळे जिल्हा परिषद गटात प्रबळ दावेदार म्हणून ओळखल्या जाणाऱ्या मेघाताई प्रशांतदादा भागवत यांनी अलीकडेच गावभेटी व जनसंपर्क दौऱ्याला वेग दिला आहे. प्रत्येक गावात महिलांकडून मिळणारा उत्स्फूर्त प्रतिसाद पाहता, या गटातील निवडणूक अधिकच रंगतदार बनत चालल्याचं स्पष्ट जाणवत आहे.
मेघाताई भागवत यांनी थेट जनतेशी संवाद साधत आपली विकासदृष्टी, सामाजिक कार्यातील अनुभव आणि सर्वसमावेशक विचारसरणी प्रभावीपणे मांडली. महिलांच्या सक्षमीकरणाबद्दल त्यांचा ठाम दृष्टिकोन आणि स्थानिक प्रश्नांवरील स्पष्ट भूमिका यामुळे ग्रामस्थांमध्ये त्यांच्याबद्दल दृढ विश्वास निर्माण झाला आहे.
दरम्यान, गटात “या वेळेस मेघाताई भागवत!” अशी चर्चा जोर धरताना दिसते. त्यांच्या साधेपणामुळे, प्रामाणिक कार्यशैलीमुळे आणि पक्षनिष्ठेमुळे त्या जनतेच्या मनात भक्कम स्थान निर्माण करण्यात यशस्वी झाल्या आहेत. त्यांच्या वाढत्या जनसंपर्क मोहिमेकडे पाहता पक्षाच्या वरिष्ठ नेतृत्वालादेखील त्यांच्या उमेदवारीकडे गांभीर्याने पाहावे लागेल, अशी चर्चा राजकीय वर्तुळात रंगत आहे.
आगामी जिल्हा परिषद निवडणुकीत मेघाताई भागवत यांचे नाव आघाडीवर असल्याचं संकेत मिळत असून, त्यांच्या नेतृत्वाखाली इंदोरी-वराळे गटात नवी राजकीय समीकरणं आकार घेताना दिसत आहेत.
