🌸 संवाद आपुलकीचा — मेघाताई भागवत यांच्या स्नेहभोजनात कार्यकर्त्यांचा उत्स्फूर्त प्रतिसाद!

इंदोरी : “संवाद आपुलकीचा — नात आपुलकीचं” या भावनिक संदेशासह इंदोरी येथे स्नेहभोजन कार्यक्रमाचे आयोजन करण्यात आले. श्री. प्रशांतदादा भागवत (उपाध्यक्ष, राष्ट्रवादी काँग्रेस पार्टी मावळ) आणि सौ. मेघाताई प्रशांतदादा भागवत (उपाध्यक्षा, राष्ट्रवादी काँग्रेस पार्टी, इंदोरी शहर) यांच्या वतीने रविवार, दि. 26 ऑक्टोबर रोजी हा कार्यक्रम त्यांच्या निवासस्थानी पार पडला.

या कार्यक्रमाला इंदोरी–वराळे जिल्हा परिषद गटातील कार्यकर्त्यांची अभूतपूर्व गर्दी झाली होती. स्नेह, संवाद आणि आपुलकीच्या वातावरणात कार्यकर्त्यांनी मोठ्या उत्साहाने सहभाग घेतला.

या वेळी आमदार सुनील शेळके, गणेशजी खांडगे, महिला अध्यक्ष सुवर्णा राऊत यांच्यासह राष्ट्रवादी काँग्रेस पार्टीचे अनेक पदाधिकारी आणि सर्वच पक्षातील कार्यकर्ते मोठ्या संख्येने उपस्थित होते.

याच प्रसंगी जिल्हा परिषद निवडणुकीच्या पार्श्वभूमीवर मेघाताई भागवत यांनी आपला उमेदवारी मागणी अर्ज आमदार सुनील शेळके यांच्याकडे सुपूर्द केला, ज्यामुळे कार्यक्रमाला राजकीय रंग चढला.

इंदोरी–वराळे गटातून जिल्हा परिषदेच्या उमेदवारीसाठी मेघाताई भागवत या अत्यंत प्रबळ इच्छुक म्हणून समोर येत असून, त्यांच्या समर्थनार्थ राष्ट्रवादी काँग्रेसमध्ये उत्साही वातावरण निर्माण झाले आहे. संपूर्ण कार्यक्रमात आपुलकी, स्नेह आणि एकीचा संदेश कार्यकर्त्यांच्या मनात दृढ झाला. 💫