VEHERGOAV NEWS : एकविरेच्या पायथ्याशी असणाऱ्या वेहेरगाव येथे धर्मवीर छत्रपती संभाजी महाराज बलिदान मास निमित्त रक्तदान महादान उपक्रमाचे आयोजन करण्यात आले. या उपक्रमाचे उद्दिष्ट समाजात रक्तदानाचे महत्त्व पटवून देणे आणि गरजू रुग्णांना रक्तपुरवठा करणे असे होते.
या शिबिरात युवकांनी मोठ्या संख्येने सहभाग घेतला. रक्तदानासाठी विशेष तज्ञ डॉक्टरांची टीम उपस्थित होती. रक्तदात्यांना प्रमाणपत्र आणि सन्मानचिन्ह देऊन गौरविण्यात आले.
उपक्रमाचे आयोजन वेहेरगाव ग्रामस्थ आणि विविध सामाजिक संस्थांच्या सहकार्याने करण्यात आले. या प्रसंगी आयोजकांनी धर्मवीर छत्रपती संभाजी महाराजांच्या बलिदानाचे स्मरण करून त्यांच्या आदर्शांचे अनुकरण करण्याचे आवाहन केले.
रक्तदान शिबिराच्या यशस्वी आयोजनाबद्दल ग्रामस्थांनी आणि सहभागी रक्तदात्यांनी समाधान व्यक्त केले.
