लोणावळा : गणेशोत्सव शांततेत आणि सुरळीत पार पडावा यासाठी लोणावळा शहर पोलिसांकडून शहरात रूट मार्च काढण्यात आला. पर्यटन नगरीतील प्रमुख मार्गांवर पोलिसांनी शक्तिप्रदर्शन करून नागरिकांना कायदा व सुव्यवस्था राखण्याचे आवाहन केले.
पोलिस प्रशासनाने स्पष्ट केले आहे की, कोणत्याही प्रकारच्या अफवांना बळी पडू नये तसेच अवांछित प्रकारांना आळा घालण्यासाठी पोलिस बंदोबस्त अधिक कडक करण्यात आला आहे. विशेषतः महिलांना आवाहन करण्यात आले असून, गणेश मंडपांमधील देखावे पाहताना दागिन्यांची काळजी घ्यावी, असे आवाहन पोलिसांनी केले.
लोणावळा पोलिसांकडून गणेशोत्सव आनंदी, सुरक्षित आणि शांततेत पार पाडण्यासाठी सर्वतोपरी प्रयत्न सुरू असल्याचा संदेश यावेळी देण्यात आला.
