📰 करंजगावात ‘किल्ले बनवा’ स्पर्धेचे पार पडले बक्षीस वितरण सोहळा

कामशेत : मावळ तालुक्यातील करंजगाव येथे शिवजयंती उत्सव समिती, करंजगाव (ब्राह्मणवाडी, साबळेवाडी, मोरमारेवाडी, पाले, गाडेवाडी) यांच्या वतीने किल्ले बनवा स्पर्धेचे आयोजन करण्यात आले होते. या स्पर्धेच्या बक्षीस वितरणाचा कार्यक्रम शनिवार (दि.२५) रोजी ग्रामदैवत भैरवनाथ महाराज मंदिरात उत्साहात संपन्न झाला.

या स्पर्धेत एकूण ७० किल्ल्यांची नोंद झाली होती. सहभागी सर्वांना प्रोत्साहनपर बक्षिसे देण्यात आली. स्पर्धेचे पर्यवेक्षक म्हणून शिवव्याख्याते बाळासाहेब खांडभोर आणि विकास चोपडे यांनी काम पाहिले.

 बक्षीस विजेते पुढीलप्रमाणे :
1️⃣ प्रथम क्रमांक – नेहाल साबळे
2️⃣ द्वितीय क्रमांक – तनुजा साबळे / दीक्षा साबळे
3️⃣ तृतीय क्रमांक – संदेश मोरमारे
4️⃣ चतुर्थ क्रमांक – राजेश शेलार
5️⃣ पंचम क्रमांक – रोहित मोरमारे
6️⃣ सहावा क्रमांक – प्रसाद वाटणे
7️⃣ सातवा क्रमांक – सिद्धेश मोरमारे
8️⃣ आठवा क्रमांक – ममता भांडे / श्वेता हिले
9️⃣ नववा क्रमांक – कार्तिक पोटफोडे / स्वराज माझीरे / शंभू शिंदे

प्रमुख पाहुणे म्हणून शिवव्याख्याते बाळासाहेब खांडभोर, विकास चोपडे, कामशेत ग्रामीण पत्रकार संघाचे उपाध्यक्ष सुभाष भोते, सचिव प्रफुल्ल ओव्हाळ, तसेच पत्रकार परिषद प्रमुख शिवानंद कांबळे उपस्थित होते.

शिवव्याख्याते बाळासाहेब खांडभोर म्हणाले,

> “किल्ले हे छत्रपती शिवरायांच्या शौर्याचे जिवंत प्रतीक आहेत. ‘किल्ले बनवा’ सारख्या उपक्रमातून ही प्रेरणा घराघरात पोहोचवली पाहिजे, कारण हीच प्रेरणा राष्ट्र अखंड ठेवण्याचे बळ देते.”

या प्रसंगी विकास चोपडे, शिवानंद कांबळे यांनीही आपले मनोगत व्यक्त केले.
कार्यक्रमासाठी सरपंच सौ. उज्वलाताई पोटफोडे, पोलीस पाटील विठ्ठल तांबोरे, विनायक पोटफोडे, दत्ता कुटे, कांताराम आसवले, सोमनाथ शिंदे, अजय वाटणे, दीपक लांघी, वैभव मोरमारे, सचिन साबळे, राहुल माझीरे आदींसह ग्रामस्थ, महिला वर्ग व विद्यार्थी मोठ्या संख्येने उपस्थित होते.

कार्यक्रमाचे सूत्रसंचालन सचिन भांडे, प्रास्ताविक विनायक पोटफोडे, तर आभार प्रदर्शन अनिल पोटफोडे यांनी केले.